É un libro visualmente moi atractivo, cun gran formato e moi boas ilustracións. Agora, fíxome curto en canto ao contido. enxeñaría do exército romano está editado por Desperta Ferro Edicións e os seus autores son Jean-Claude Golvin e Gerard Coulon.
É certo que tanto ao comezo dos libros como nas conclusións explican o obxectivo do libro, que é demostrar a participación do exército romano nas grandes obras públicas (que demostra só con exemplos concretos que penso que non son xeneralizables). Así, o libro, que se divide nas grandes obras terrestres, acuedutos, camiños, pontes, minas e canteiras, colonias e cidades, amosa exemplos deste tipo de construcións nas que se documenta dalgún xeito a participación das lexións.
Pero todo é moi breve, por un lado gustaríame que afondasen no aspecto de enxeñería do tipo de construción, xa que só se dá información moi xeral. Neste sentido o libro decepcionoume.
